Megapoliste koronavirýsty qaita juqtyrý derekteri tirkelýde. Bul týraly onlain brifing barysynda Almaty qalasy sanitariialyq-epidemiologiialyq baqylaý departamenti basshysynyń orynbasary Ásel Qalyqova aitty, dep habarlaidy "Ult aqparat".
Onyń aitýynsha, Almatyda virýsty qaita juqtyrýdyń 10 jaǵdaiy tirkeldi. Olarda byltyrǵy jyldyń jazynda koronavirýs infektsiiasy simptomsyz ótken. Endi klinikalyq belgimen ótip jatyr.
«Bul jaǵdai boiynsha málimetter biryńǵai statistikalyq esepke alynady», - dedi Ásel Qalyqova.
Sonymen qatar ol aldaǵy ýaqytta qaladaǵy saýda úileri men bazarda halyqqa vaktsina salý jumysy qalai júrgiziletinin aitty.
«Qazir halyqty vaktsinatsiialaý boiynsha qalanyń bas memlekettik sanitar dárigeriniń qaýlysy ázirlenip jatyr. Onda vaktsina salýdyń algoritmi belgilenedi. Vaktsina saldyrýǵa kelgen adamda ózimen birge jeke kýáligi nemese pasporty bolý kerek. Al 21 kún ótken soń ol adam alǵash vaktsina saldyrǵan emhanasyna nemese ýaqytsha ekpe salý ornyna qaita barý kerek», - deidi ol.
