مەگاپوليستە كوروناۆيرۋستى قايتا جۇقتىرۋ دەرەكتەرٸ تٸركەلۋدە. بۇل تۋرالى ونلاين بريفينگ بارىسىندا الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى ەسەل قالىقوۆا ايتتى, دەپ حابارلايدى "ۇلت اقپارات".
ونىڭ ايتۋىنشا, الماتىدا ۆيرۋستى قايتا جۇقتىرۋدىڭ 10 جاعدايى تٸركەلدٸ. ولاردا بىلتىرعى جىلدىڭ جازىندا كوروناۆيرۋس ينفەكتسيياسى سيمپتومسىز ٶتكەن. ەندٸ كلينيكالىق بەلگٸمەن ٶتٸپ جاتىر.
«بۇل جاعداي بويىنشا مەلٸمەتتەر بٸرىڭعاي ستاتيستيكالىق ەسەپكە الىنادى», - دەدٸ ەسەل قالىقوۆا.
سونىمەن قاتار ول الداعى ۋاقىتتا قالاداعى ساۋدا ٷيلەرٸ مەن بازاردا حالىققا ۆاكتسينا سالۋ جۇمىسى قالاي جٷرگٸزٸلەتٸنٸن ايتتى.
«قازٸر حالىقتى ۆاكتسيناتسييالاۋ بويىنشا قالانىڭ باس مەملەكەتتٸك سانيتار دەرٸگەرٸنٸڭ قاۋلىسى ەزٸرلەنٸپ جاتىر. وندا ۆاكتسينا سالۋدىڭ الگوريتمٸ بەلگٸلەنەدٸ. ۆاكتسينا سالدىرۋعا كەلگەن ادامدا ٶزٸمەن بٸرگە جەكە كۋەلٸگٸ نەمەسە پاسپورتى بولۋ كەرەك. ال 21 كٷن ٶتكەن سوڭ ول ادام العاش ۆاكتسينا سالدىرعان ەمحاناسىنا نەمەسە ۋاقىتشا ەكپە سالۋ ورنىنا قايتا بارۋ كەرەك», - دەيدٸ ول.
