Almatyda koronavirýsty anyqtaityn 20 zerthana bar. Bul týraly onlain brifing barysynda qalalyq sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin aitty, dep habarlaidy "Ult aqparat".
«Ótken jyly bizde 4 zerthana boldy, olardyń qýattylyǵy 3 myńǵa da jetpeitin. Qazir biz koronavirýsty anyqtaityn 20 zerthanany iske qostyq. PTR zerthanalar qýattylyǵy táýligine 14 500 test. Ótken aptada bir táýlikte 8 600 zerthanalyq tekserý júrgizildi. Zerthanalar tolyq daiyn», - deidi Jandarbek Bekshin.
Sonymen qatar, ol zerthanalar jumysy baqylaýda ekenin aitty.
«Eń bastysy qajetti materialdarmen jabdyqtalǵan. Qazir testiler men reaktivter sany jetkilikti. Byltyrǵy oqiǵadan sabaq aldyq. Aita keteiin, ákimdik tarapynan kóptegen qoldaýǵa ie boldyq. Materialdyq kómek kórsetilip jatyr», - deidi ol.
Aita keteiik, Almaty 10 naýryzdan beri «qyzyl» aimaqta. Ótken táýlikte megapoliste koronavirýs juqtyrǵan adamdardyń sany 545-ke jetti.
