الماتىدا كوروناۆيرۋستى انىقتايتىن 20 زەرتحانا بار. بۇل تۋرالى ونلاين بريفينگ بارىسىندا قالالىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى, قالانىڭ باس مەملەكەتتٸك سانيتار دەرٸگەرٸ جانداربەك بەكشين ايتتى, دەپ حابارلايدى "ۇلت اقپارات".
«ٶتكەن جىلى بٸزدە 4 زەرتحانا بولدى, ولاردىڭ قۋاتتىلىعى 3 مىڭعا دا جەتپەيتٸن. قازٸر بٸز كوروناۆيرۋستى انىقتايتىن 20 زەرتحانانى ٸسكە قوستىق. پتر زەرتحانالار قۋاتتىلىعى تەۋلٸگٸنە 14 500 تەست. ٶتكەن اپتادا بٸر تەۋلٸكتە 8 600 زەرتحانالىق تەكسەرۋ جٷرگٸزٸلدٸ. زەرتحانالار تولىق دايىن», - دەيدٸ جانداربەك بەكشين.
سونىمەن قاتار, ول زەرتحانالار جۇمىسى باقىلاۋدا ەكەنٸن ايتتى.
«ەڭ باستىسى قاجەتتٸ ماتەريالدارمەن جابدىقتالعان. قازٸر تەستٸلەر مەن رەاكتيۆتەر سانى جەتكٸلٸكتٸ. بىلتىرعى وقيعادان ساباق الدىق. ايتا كەتەيٸن, ەكٸمدٸك تاراپىنان كٶپتەگەن قولداۋعا يە بولدىق. ماتەريالدىق كٶمەك كٶرسەتٸلٸپ جاتىر», - دەيدٸ ول.
ايتا كەتەيٸك, الماتى 10 ناۋرىزدان بەرٸ «قىزىل» ايماقتا. ٶتكەن تەۋلٸكتە مەگاپوليستە كوروناۆيرۋس جۇقتىرعان ادامداردىڭ سانى 545-كە جەتتٸ.
