Almatyda koronavirýstan jazylǵan taǵy eki adam aýrýhanadan shyǵaryldy, dep habarlaidy "Ult aqparat".
«Eki er adam búgin eresek juqpaly aýrýlar aýrýhanasynan shyǵaryldy. 1962 jyly týǵan azamat 13 naýryzda Berlin-Minsk-Almaty charterlik reisimen kelgen bolatyn. Ekinshisi - 1995 jyly týǵan jigit 15 naýryzda Seýl-Almaty reisimen keldi», - dedi qalalyq Qoǵamdyq densaýlyq saqtaý basqarmasynyń basshysy Tileýhan Ábildaev.
Qazirgi tańda megapolisten bes naýqas saýyǵyp shyqty. Olardyń bireýi - 12 jastaǵy qyz bala.
Endi olardyń barlyǵy meditsina qyzmetkerleriniń baqylaýynda úide 14 kúndik karantinde bolady.
