23 sáýirde kúndizgi saǵat 11:30-da Qazaqstannyń densaýlyq saqtaý ministrligi Almaty qalasynda koronavirýstan bir naýqastyń kóz jumǵanyn habarlady. Naýqas 1964 jyly týǵan.
Ol birneshe sozylmaly aýrý túrimen aýyrǵan: búirek, anemiia, qant diabeti, polisegmentti pnevmoniia, hronodializ. 22 sáýirde jasandy tynys alý apparatyna qosylǵan.
"Invazivti emes jasandy tynys alý tiimsiz bolǵandyqtan 22 sáýirde invazivti ókpeni jasandy tynys alý apparatyna aýystyryldy. Buǵan qosa, baǵdarlamalyq gemodializ seansynan ótti. Emge qaramastan "poliorgan jetispeýshilik" belgileri baiqalyp, tańǵy saǵat 6:30-da qan ainalymy toqtady. 30 minýt ishinde júrgizilgen reanimatsiialyq is-sharalar nátije bergen joq. Saǵat 7.00-de dárigerler naýqastyń qaitys bolǵanyn anyqtady" delingen habarlamada.
Qazaqstanda koronavirýstan barlyǵy 20 naýqas qaitys bolǵan. Dárigerlerdiń aitýynsha, olardyń basym bóliginde sozylmaly aýrýlar bolǵan.
Al, Almaty qalasynda virýs alty adamnyń ómirin jalmaǵan. Qalada virýs juqtyrǵandar sany 735-ke jetti. Bul - respýblika boiynsha eń joǵarǵy kórsetkish.
Megapoliste 19 naýryzdan beri karantin jariialanǵan.
