23 سەۋٸردە كٷندٸزگٸ ساعات 11:30-دا قازاقستاننىڭ دەنساۋلىق ساقتاۋ مينيسترلٸگٸ الماتى قالاسىندا كوروناۆيرۋستان بٸر ناۋقاستىڭ كٶز جۇمعانىن حابارلادى. ناۋقاس 1964 جىلى تۋعان.
ول بٸرنەشە سوزىلمالى اۋرۋ تٷرٸمەن اۋىرعان: بٷيرەك, انەمييا, قانت ديابەتٸ, پوليسەگمەنتتٸ پنەۆمونييا, حرونودياليز. 22 سەۋٸردە جاساندى تىنىس الۋ اپپاراتىنا قوسىلعان.
"ينۆازيۆتٸ ەمەس جاساندى تىنىس الۋ تيٸمسٸز بولعاندىقتان 22 سەۋٸردە ينۆازيۆتٸ ٶكپەنٸ جاساندى تىنىس الۋ اپپاراتىنا اۋىستىرىلدى. بۇعان قوسا, باعدارلامالىق گەمودياليز سەانسىنان ٶتتٸ. ەمگە قاراماستان "پوليورگان جەتٸسپەۋشٸلٸك" بەلگٸلەرٸ بايقالىپ, تاڭعى ساعات 6:30-دا قان اينالىمى توقتادى. 30 مينۋت ٸشٸندە جٷرگٸزٸلگەن رەانيماتسييالىق ٸس-شارالار نەتيجە بەرگەن جوق. ساعات 7.00-دە دەرٸگەرلەر ناۋقاستىڭ قايتىس بولعانىن انىقتادى" دەلٸنگەن حابارلامادا.
قازاقستاندا كوروناۆيرۋستان بارلىعى 20 ناۋقاس قايتىس بولعان. دەرٸگەرلەردٸڭ ايتۋىنشا, ولاردىڭ باسىم بٶلٸگٸندە سوزىلمالى اۋرۋلار بولعان.
ال, الماتى قالاسىندا ۆيرۋس التى ادامنىڭ ٶمٸرٸن جالماعان. قالادا ۆيرۋس جۇقتىرعاندار سانى 735-كە جەتتٸ. بۇل - رەسپۋبليكا بويىنشا ەڭ جوعارعى كٶرسەتكٸش.
مەگاپوليستە 19 ناۋرىزدان بەرٸ كارانتين جارييالانعان.
