24 sáýir tústen keiin Almatyda taǵy bir naýqastyń kóz jumǵany belgili boldy. Coronavirus2020.kz saitynyń Telegram arnasyndaǵy málimet boiynsha, naýqas - 1945 jyly týǵan er adam
«Naýqas 12 sáýirde Covid-19 diagnozymen infektsiialyq statsionarǵa emdeýge jatqyzylǵan bolatyn. JIA, arteriialyq gipertoniia, aldyńǵy mi arteriiasynyń anevrizmi, sozylmaly pielonefrit, ekijaqty pnevmoniia siiaqty qosymsha aýrýlary bolǵan» dep habarlady basqarmadan.
Qaitys bolǵan adam diagnostikalaý jáne emdeý hattamasy boiynsha koronavirýs infektsiiasynan em alǵan. Statsionarda óte aýyr jaǵdaida ókpeni jasandy jeldetý apparatyna qosylǵan.
Qazaqstanda koronavirýstan barlyǵy 24 adam qaitys boldy. Juma, 24 sáýirde Almatyda - 2, Nur-Sultanda - 1, Shymkentte 1 adam qaitys boldy. Olardyń bireýi - Resei azamaty.
Jergilikti biliktiń aitýynsha, Almatyda qaitys bolǵan 1957 jyly týǵan áiel úide óz betinshe emdelgen. Dáriger shaqyrmaǵan. Qaitys bolǵannan keiin COVID-19 aýrýymen aýyrǵany anyqtalǵan.
Shymkentte qaitys bolǵan 1968 jyly týǵan er adam koronavirýstan bólek birneshe sozylmaly aýrýlarmen aýyrǵan.
