Almatyda koronavirýs infektsiiasymen kúreske kezeń-kezeńimen aqsha bólingen. Bul týraly onlain brifing barysynda qalalyq Qoǵamdyq densaýlyqty saqtaý basqarmasynyń basshysy Tileýhan Ábildaev aitty, dep habarlaidy "Ult aqparat".
Onyń aitýynsha, Almatydaǵy meditsina salasyna kezeń-kezeńimen qarajat bólingen.
«Birinshi transh – Úkimet rezervinen 73,5 mln teńge bólingen bolatyn. Bul qarajatqa meditsina qyzmetkerlerine jeke qorǵanys quraldary men naýqastardy emdeý úshin dári-dármek satylyp alyndy. Odan keiin 94,5 mln teńge ákimdik tarapynan bólindi. Bul qarajatqa jeke qorǵanys quraldary, dezinfektsiialaý quraldary satylyp alyndy. Úshinshi ret 1 mlrd 300 mln teńge bólindi. Bul qarajat jeke qorǵanys quraldary men zararsyzdandyrý quraldaryn, antiseptik, dári-dármek satyp alýǵa jumsaldy», - dedi basqarma basshysy Tileýhan Ábildaev.
