Almatyda COVID-19-ben kúresý úshin 89,4 mlrd teńge bólindi. Bul týraly Almaty qalasynyń ákimi Baqytjan Saǵyntaev málim etti, dep habarlaidy "Ult aqparat".
«Almaty ákimdigi úshin - azamattardyń ómiri men densaýlyǵyn qorǵaý basty basymdyqtardyń biri. Koronavirýs indetimen kúresý úshin 89 mlrd teńgeden astam qarjy bólindi. Bul tek biýdjettiń aqshasy emes, bizge biznes kómekke keldi», – dedi Baqytjan Saǵyntaev.
Ákimniń aitýynsha, bul aqsha juqpaly aýrýlar aýrýhanalarynyń qurylysyna jáne jalpy qalalyq zerthanalyq jelini ortalyqtandyrýǵa jumsaldy. PTR zertteýiniń táýliktik qýaty 14 myńǵa deiin ulǵaityldy, ony táýligine 25 myńǵa deiin arttyrýǵa bolady.
Sondai-aq, alǵashqy meditsinalyq-sanitarlyq kómek jumysyn kúsheitý boiynsha sharalar qabyldandy. Biyl qalada 11 dárigerlik ambýlatoriia salyndy, kelesi jyly taǵy 11 dárigerlik ambýlatoriia paidalanýǵa beriledi.
