5 shildede karantin sharalaryn kúsheitý nátijesinde qalada epidemiologiialyq ahýal birshama turaqtaldy. Bul týraly Almaty telearnasynda ótken tikelei efir barysynda qala ákimi Baqytjan Saǵyntaev aitty, dep habarlaidy "Ult aqparat".
Saǵyntaevtyń aitýynsha, № 4 jáne №7 qalalyq aýrýhanalar burynǵy jumys baǵytyna kóshti.
Basqa nysandar óz jumysyna kezeń-kezeńimen aýysady.
Onyń aitýynsha, kúzde virýstyń ekinshi tolqyny bastalǵan jaǵdaida barlyq statsionarlar KVI gospitaline aýystyrý jospary jasaldy.
«Kúninde 200 adam aýrýhanaǵa jatqyzylǵan jaǵdaida biz KVI gospitalderin iske qosa bastaimyz. Bizde aýrýdyń sharyqtaý sheginde 500 asa adamdy jatqyzǵan ýaqyt boldy. Bul densaýlyq saqtaý júiesine úlken aýyrlyq keltiredi. Josparǵa sáikes statsionarlar 2-3 kún ishinde KVI aýrýhanasy bolyp shyǵýǵa daiyn bolýy tiis», - dedi Saǵyntaev.
Sonymen qatar, birinshi meditsinalyq sanitarlyq kómek kórsetetin emhana qyzmetkerleriniń de jumysy kúsheitiledi. Ýchaskelik dárigerler qaýip tobyna kiretin adamdardy esepke alýy kerek.
Saýalnama jaýaptaryna sáikes KVI aýyrǵan naýqastardyń 55%-y úiinde emdelgen, 31% - jekemenshik emhanalarǵa júgingen, 14% — tirkelgen emhanalarǵa qaralǵan.
«Soǵan sáikes biz KVI juqtyrǵan adam qalai emdeleti týraly jadnama jasap jatyrmyz. Ambýlatoriialyq túrde emdeletin patsientterdi dári dármekpen tolyq qamtimyz. Ol úshin 5 mlrd teńgege turaqtandyrý qory jasalǵan», - dedi qala ákimi.
