Almatyda búgin onlain brifingide qalalyq Qoǵamdyq densaýlyq saqtaý basqarmasynyń basshysy Tileýhan Ábildaev qaladaǵy epidemiologiialyq ahýal týraly aitty, dep habarlaidy "Ult aqparat".
Onyń aitýynsha, búgin Almatyda koronavirýs infektsiiasyn juqtyrýdyń rastalǵan 119 jaǵdaiy tirkeldi.
«Qazir juqpaly aýrýlar statsionarlarynda Covid-19-dan 99 patsient, onyń ishinde tórt bala emdelip jatyr. Osy ýaqytqa deiin koronavirýs infektsiiasyn juqtyrýdyń úsh jańa jaǵdaiy anyqtaldy. 1975 jyly týǵan er adam jáne 1962 jáne 1964 jyly týǵan eki áiel bailanysta bolyp juqtyrǵan. Er adamnyń jai-kúii ortasha aýyr dep baǵalandy. Ony tekserip-qaraý kezinde pnevmoniia diagnozy qoiyldy. Áielderdiń jai-kúii – qanaǵattanarlyq, aýrý aǵymynyń jeńil túri anyqtaldy. Olarmen bailanysta bolǵan barlyq adamdar karantingige ornalastyrylǵan», - dedi basqarma basshysy T.Ábildaev.
Onyń aitýynsha, qazir 80 naýqastyń jai-kúii qanaǵattanarlyq bolsa, 2 eresek adamnyń jaǵdaiy óte aýyr. Olar jasandy tynys alý apparatyna qosylǵan. 13 eresek adamnyń jai-kúii orta aýyrlyq deńgeiinde, onyń ishinde oblys turǵyny bar.
