Almatyda koronavirýs juqtyrǵan balalar sany kúrt kóbeidi. Indet «jasardy». Bul týraly Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda aitty, dep habarlaidy "Ult aqparat".
Onyń aitýynsha, qalada koronaviýrstyń keń taraýyna mýtatsiialanǵan túriniń kelýi sebep bolǵan. Óitkeni jańa shtammnyń juqtyrý qabileti eki ese joǵary.
«Indet «jasardy». Qazir koronavirýsty jas balalar juqtyryp jatyr. Osy másele bizdi alańdatyp otyr. Naýryz aiynyń birinshi aptasynda 10 jaǵdai tirkelgen bolatyn. Qazir 160 jetti. Sondyqtan buǵan mán berý kerek. Eń aldymen ata-analar saq bolýy qajet. Byltyr oqýshylar arasynda virýs juqtyrý jaǵdaiy 281 bolǵan. Jańa jyldan beri 1700-ge jýyq oqýshydan virýs anyqtaldy. Virýs anyqtalǵan oqýshylardyń 80 paiyzy úide, iaǵni qashyqtan oqityndar. Sondyqtan balanyń qaida júrgenin baqylaý kerek, olarǵa adam kóp shoǵyrlanǵan jerge barmaýǵa keńes berý kerek. Kún jylynysymen myńdaǵan adam dalaǵa shyqty, sondyqtan adam kóp jinalatyn jerden bastartý qajet, - dedi ol.
Jandarbek Bekshin sanitarlyq talapty saqtaýǵa keńes berdi. Qoldy jýyp, maskany únemi taǵyp júrý kerektigin basa aitty.
