الماتىدا كوروناۆيرۋس جۇقتىرعان بالالار سانى كٷرت كٶبەيدٸ. ٸندەت «جاساردى». بۇل تۋرالى الماتى قالاسى سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى, قالانىڭ باس مەملەكەتتٸك سانيتار دەرٸگەرٸ جانداربەك بەكشين ونلاين بريفينگ بارىسىندا ايتتى, دەپ حابارلايدى "ۇلت اقپارات".
ونىڭ ايتۋىنشا, قالادا كوروناۆيۋرستىڭ كەڭ تاراۋىنا مۋتاتسييالانعان تٷرٸنٸڭ كەلۋٸ سەبەپ بولعان. ٶيتكەنٸ جاڭا شتاممنىڭ جۇقتىرۋ قابٸلەتٸ ەكٸ ەسە جوعارى.
«ٸندەت «جاساردى». قازٸر كوروناۆيرۋستى جاس بالالار جۇقتىرىپ جاتىر. وسى مەسەلە بٸزدٸ الاڭداتىپ وتىر. ناۋرىز ايىنىڭ بٸرٸنشٸ اپتاسىندا 10 جاعداي تٸركەلگەن بولاتىن. قازٸر 160 جەتتٸ. سوندىقتان بۇعان مەن بەرۋ كەرەك. ەڭ الدىمەن اتا-انالار ساق بولۋى قاجەت. بىلتىر وقۋشىلار اراسىندا ۆيرۋس جۇقتىرۋ جاعدايى 281 بولعان. جاڭا جىلدان بەرٸ 1700-گە جۋىق وقۋشىدان ۆيرۋس انىقتالدى. ۆيرۋس انىقتالعان وقۋشىلاردىڭ 80 پايىزى ٷيدە, ياعني قاشىقتان وقيتىندار. سوندىقتان بالانىڭ قايدا جٷرگەنٸن باقىلاۋ كەرەك, ولارعا ادام كٶپ شوعىرلانعان جەرگە بارماۋعا كەڭەس بەرۋ كەرەك. كٷن جىلىنىسىمەن مىڭداعان ادام دالاعا شىقتى, سوندىقتان ادام كٶپ جينالاتىن جەردەن باستارتۋ قاجەت, - دەدٸ ول.
جانداربەك بەكشين سانيتارلىق تالاپتى ساقتاۋعا كەڭەس بەردٸ. قولدى جۋىپ, ماسكانى ٷنەمٸ تاعىپ جٷرۋ كەرەكتٸگٸن باسا ايتتى.
