Almatyda koronavirýspen aýyrǵan 495 meditsinalyq qyzmetker ústemaqy aldy. Bul týraly Ortalyq kommýnikatsiialar ortalyǵynda ótken onlain brifingide QR DSM taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev aitty, dep habarlaidy "Ult aqparat".
«Almaty qalasy boiynsha 1 206 meditsinalyq qyzmetker koronavirýspen aýyrǵan bolatyn. Olardyń ishinde 495-i ústemaqy aldy. Jergilikti komissiianyń paiymdaýy boiynsha, 907 meditsinalyq qyzmetker osy syrqatty óziniń qyzmeti barysynda juqtyrǵan. Qyzmet babynda júrip aýrý juqtyryp, qaza bolǵan 2 áriptesimizdiń otbasyna jergilikti komissiianyń sheshimimen 10 million teńge kóleminde ústemaqy tólendi», - deidi Timýr Sultanǵaziev.
