Almatyda koronavirýs infektsiiasyn eń kóp juqtyrǵan — 20-29 jas aralyǵyndaǵy jastar. Bul týraly Almaty qalasy Taýarlar men qyzmetterdiń sapasyn baqylaý departamentiniń basshysy Aizat Moldaǵasymova brifingte aitty, dep habarlaidy "Ult aqparat".
Resmi derekterge sáikes, Almatyda tirkelgen 91 jaǵdaidyń 35-i syrttan kelgender, 48-i qatynasta bolǵandar, 5 jaǵdai jergilikti, úsheýi jergilikti naýqaspen qarym-qatynasta bolǵandar.
«1-2 sáýir kúnderi koronavirýs boiynsha jańadan tirkelgen jaǵdaidyń sany tómendegenin baiqap otyrmyz. Aýyrǵandardyń kópshiligi myna reistermen kelgender: Máskeý-Almaty reisi - 33%, Ystanbul-Almaty - 25%, Berlin– Almaty –16%, Sankt-Peterbýrg reisi -13%, Minskten kelgenderde -13%», – dedi Aizat Moldaǵasymova.
Sonymen qatar, ol koronavirýs anyqtalǵan naýqastardyń jas mólsherine toqtalyp ótti.
«Jas mólsheri boiynsha qaraityn bolsaq, 20-29 jas aralyǵyndaǵylar kóp. Odan keiin 30-39, 40-49 jáne 50-59 jastaǵylar shaldyqqan. Sondai-aq, 14 jasqa deiingiler arasynda - 3 jaǵdai, 15-19 aralyǵynda – 4 jaǵdai tirkelgen. 60-tan asqan qaýipti toptaǵylar boiynsha - 7 jaǵdai tirkelgen», – deidi departament basshysy.
