Almatyda koronavirýs tabylmaǵan 203 adam provizorlyq emhanadan shyǵaryldy. Bul týraly qalalyq qoǵamdyq densaýlyq saqtaý basqarmasynyń basshysy Tileýhan Ábildaev onlain brifing barysynda aitty, dep habarlaidy QazAqparat.
«Tek keshe ǵana provizorlyq ortalyqtardan 203 adam úiine shyǵaryldy, onyń ishinde 44 bala bar. Olardyń barlyǵy 14 kúndik karantinde bolǵan. Olardyń test nátijesi koronavirýs joqtyǵyn kórsetken soń aýrýhanadan shyǵaryldy. Karantindik oqshaýlaýda qazir 385 adam, onyń ishinde 39 bala bar. Úi karantininde 5144 adam jatyr», - dedi Tileýhan Ábildaev.
Osy ýaqytqa deiin Almatyda 21 adam jazylyp shyqqan.
