QR Densaýlyq saqtaý ministrliginiń málimdemesinen keiingi 93 naýqastyń qataryna taǵy 16 adam qosyldy, olardyń bári - virýs juqtyrǵan jandarmen qarym-qatynasta bolǵandar. Bul týraly Almaty qalasy Qoǵamdyq densaýlyq basqarmasy málimdedi, dep habarlaidy "Ult aqparat".
«Qazirgi ýaqytta Almatyda koronavirýs indetin juqtyrǵan naýqastar sany 109-ǵa jetti. 16 naýqastyń bireýiniń jaǵdaiy aýyr, qalǵandarynyń densaýlyǵy qanaǵattanarlyq. Olardyń bári de koronavirýs juqtyrǵandyǵy rastalǵanda stantsionarda oqshaýlandyrylǵan edi», - delingen qalalyq densaýlyq saqtaý basqarmasy taratqan habarlamada.
Tórt naýqas «Máskeý – Almaty» reisimen ushyp kelgen bir jolaýshymen bailanysta bolǵan. Olardyń bireýi naýqastyń anasy, 2009 jáne 2017 jyly týǵan eki balasy jáne bir bailanysta bolǵan adam.
«Ekeýi – 16 naýryzda Stambýldan, ekeýi – 10 naýryzda «Máskeý – Almaty» reisimen ushyp kelgen, taǵy bireýi – 13 naýryzda Berlin reisimen jetken, endi bireýi virýs juqtyrǵan adammen bailanysta bolǵan»,-delingen habrlamada.
Almatyda koronavirýstan emdelip shyqqandardyń jalpy sany – 19.
Olardyń bári qazirgi tańda 14 kúndik úi karantininde.
