Almatyda "Kókjiek" yqshamaýdanynda kópqabatty úide shyqqan órt tolyǵymen sóndirildi, - dep habarlaidy "STV" telearnasyndaǵy kaz.tengrinews.kz "Territoriia proisshestvii" baǵdarlamasynyń tilshisine silteme jasap.
QR IIM Tótenshe jaǵdailar komitetiniń málimetinshe, órt 18:06-da sóndirilgen. Adamdar jaqyn mańdaǵy № 177 mektepke qonystandyryldy.
Aita keteiik, Almatydaǵy "Kókjiek" yqshamaýdanynda kópqabatty úide shyqqan órt saldarynan 300 adam evakýatsiialanǵany habarlanǵan edi.
16:03-te Almaty TJD" "101" pýltine Jetisý aýdany, "Kókjiek", 32-úi mekenjaiy boiynsha órt shyqqany týraly habar túsken. Órt sóndirý qyzmetiniń birinshi brigadasy 16:11-de kelgen. Ol kezde úidiń 1-5 qabat aralyǵyndaǵy aldyńǵy bóligi órtenip jatqan. Órt aýmaǵy - 1000 sharshy metr.
"Úidiń shatyry da órtengen. Órt sóndirý qyzmetkerleri ekinshi qaitara taǵy da shaqyrtylǵan. Qazirgi ýaqytta Almaty qalalyq Órt sóndirý qyzmetiniń 70-ten asa órt sóndirýshi men ekiden asa arnaiy tehnika jumyldyrylǵan. 300 adam evakýatsiialandy. Zardap shekkender týraly málimet joq", - delingen vedomstvo habarlamasynda.
"16:03-te Almaty TJD" "101" pýltine Jetisý aýdany, "Kókjiek", 32-úi mekenjaiy boiynsha órt shyqqany týraly habar tústi. Órt sóndirýshiler oqiǵa ornynda jumys istep jatyr. Olar evakýatsiia júrgizip, órtti sóndirip jatyr. Qosymsha aqparat keiinirek habarlanady", - dep habarlady Almaty TJD resmi ókili Sandýǵash Baimuhambetova.
