Almatyda kópir astynda qatarynan bes avtokólik soqtyǵysyp qaldy. Jol apatynyń videosy jelige tarady, dep habarlaidy QazAqparat.
Qalalyq politsiia departamentinde jol apatynyń sebep-saldary aityldy.
19 shilde kúni, saǵat 19: 30 shamasynda HOWO markaly júk kóligin basqarǵan R. esimdi júrgizýshi Sain kóshesiniń boiymen batys baǵytta jáne Mustafin kóshesiniń kópiriniń astynda qashyqtyqty saqtamaǵandyqtan, Lexus LX 470 avtokóligimen soqtyǵysýǵa jol beredi. Alǵan soqqydan Lexus LX 470 avtokóligi inertsiia boiynsha Toyota Corolla jáne Toyota Camry avtokólikterimen soqtyǵysady. Toyota Camry avtokóligi bir baǵytta kele jatqan Toyota Camry avtokóligimen soqtyǵysady.
Jol apaty nátijesinde Lexus LX 470 kóliginiń jolaýshylary aýrýhanaǵa jetkizildi.
«Atalǵan fakt Bostandyq aýdandyq politsiia basqarmasynyń qyzmetkerlerimen tergelip jatyr», - dedi Almaty qalasynyń politsiia departamentiniń anyqtaý basqarmasynyń bastyǵy politsiia podpolkovnigi Oljas Sháripov.
