Almaty qalasynyń ákimi Baqytjan Saǵyntaev turǵyndarǵa esep berý kezdesýi barysynda qala balabaqshalardaǵy oryn tapshylyǵyn sóz etti, dep habarlaidy QazAqparat.
Ákim óz sózinde turǵyndardyń kópshiligi balalaryn memlekettik mektepke deiingi mekemege jiberetinin atap ótti. Olar arnaiy bekitilgen tólemaqyny tóleidi.
«Biz jeke balabaqshalarǵa qosymsha qyzmetterge memlekettik tapsyrys bere alamyz. Bul memlekettik nemese jekemenshik balabaqsha ma, joq pa - ony tańdaýǵa múmkindik joq, tólem barlyq jerde birdei bolady», - dedi ákim.
Onyń pikirinshe, mundai shara jekemenshik balabaqshalardy 100%-ǵa toltyrýǵa jáne jańa balabaqsha ashýǵa serpin beredi.
Sonymen qatar, balabaqsha kezegin azaitý maqsatynda bes memlekettik mektepke deiingi mekemeniń qurylysy aiaqtalýǵa jaqyn: Alataý aýdanynda 790 oryndyq, Bostandyq aýdanynda 120 oryndyq, Almaly aýdanynda - 120 oryndyq, Túrksib aýdanynda – 280 oryndyq jáne Bostandyq aýdanynda biznestiń áleýmettik jaýapkershiligi aiasynda 150 oryndyq bir balabaqsha.
Nátijesinde 3100 orynǵa eseptelgen 11 memlekettik balabaqsha qoldanysqa beriledi. Kezek 23 myń orynǵa azaiady.
Kópbalaly otbasylardy qoldaýǵa erekshe nazar aýdaryldy. Atap aitqanda, kópbalaly otbasynan shyqqan balalar mektep janyndaǵy úiirmelerge tegin qatysa alady.
