Almatyda 25 mamyrdan bastap 393 qonaqúige jumys isteýge ruqsat berildi, dep habarlaidy qalalyq ákimdiktiń baspasóz qyzmeti.
«25 mamyrdan bastap 5 myńnan astam jalpy jumysshysy bar 393 qonaqúidi (hostelderdi qospaǵanda) jumysyn bastaýdy josparlap otyr. Bul kezeńde, olarǵa bólmelerdi berýge jáne óziniń aýmaǵyndaǵy meiramhanalardy ashýǵa ruqsat beriledi»,– dep habarlady qalalyq ákimdik.
SPA, basseinder jáne trenajer zaldaryn ashý kúni qaladaǵy epidemiologiialyq jaǵdailarǵa bailanysty bolady jáne qosymsha habarlanady. Osylaisha, 25 mamyrdan bastap, qalada 84,2 myń adamdy jumyspen qamtityn, barlyǵy 3 631 kásiporyndy iske qosý josparlanyp otyr.
