Foto: «Azamattarǵa arnalǵan úkimet» MK baspasóz qyzmeti
Almaty qalasynda Almaly aýdandyq halyqqa qyzmet kórsetý bóliminiń kommertsiialyq qyzmet sektory óz jumysyn bastady. Bul týraly «Azamattarǵa arnalǵan úkimet» memlekettik korporatsiiasynyń Almaty filialy habarlady.
Jańa sektorda zańdy tulǵalar men kásipkerlerge qajetti birqatar memlekettik qyzmet túrleri kórsetiledi. Atap aitsaq, jyljymaityn múlikti tirkeý, tehnikalyq tekserý, jer kadastry, kommertsiialyq jáne kommertsiialyq emes zańdy tulǵalardy tirkeý boiynsha qyzmetter kórsetiledi.
Atalmysh qyzmetterge kóbine kásipkerler men zańdy tulǵalar júginedi. Olar úshin jańa sektor memlekettik qyzmetterdi jyldam ári yńǵaily formatta alýǵa múmkindik beredi.
«Bizdiń basty maqsatymyz - azamattarǵa kórsetiletin qyzmetterdi barynsha yńǵaily, qoljetimdi ári sapaly etý. Jańa sektordyń ashylýy Almaty qalasyndaǵy kásipkerler men turǵyndar úshin tiimdi sheshimderdiń biri bolmaq. Bul qadam memlekettik qyzmet kórsetýdegi ashyqtyq pen jedeldikti arttyrady», – dep atap ótti filial basshysy Nursultan Ońdasyn.
Almaly aýdanyndaǵy kommertsiialyq qyzmet sektorynyń ashylýy –memlekettik qyzmet kórsetý protsesin jeńildetý baǵytyndaǵy mańyzdy qadam. Bul sektor zańdy tulǵalar men kásipkerlerdiń suranysyna beiimdelgen, olardyń ýaqytyn únemdep, qujat rásimdeý barysyn jeńildetýge baǵyttalǵan.
Almaty qalasynda Almaly aýdandyq halyqqa qyzmet kórsetý bóliminiń kommertsiialyq qyzmet sektory Tóle bi 143a mekenjaiy boiynsha ornalasqan.
