Nur Otan partiiasynyń almatylyq filialy az qamtylǵan otbasylarǵa azyq-túlik jetkizýdi jalǵastyrýda, - dep habarlaidy "Ult aqparat".
Partiianyń almatylyq filialy «Metall Prom» JShS bas direktory, partiia múshesi Abdýhalil Dolkýntaimen birlesip Elbasynyń bastamasymen jalǵasyp kele jatqan #BizBirgemiz aktsiiasy aiasynda 1 700 az qamtylǵan otbasyna 51 tonna azyq-túlik jetkizdi.
Ár otbasyna 30 keli azyq-túlik berildi. Onda un, makaron, suiyq mai, kúrish, qaraqumyq pen qant bar.
«Elbasy jariialaǵan #BizBirgemiz aktsiiasy aiasynda az qamtylǵan otbasylarǵa qosymsha kómek kórsetý maqsatynda qarajat bólip, 1 700 otbasyǵa bardyq. Bul aktsiiaǵa Jas Otan jastar qanatynyń volonterleri qosyldy. Olar azyq-túlikti kórsetilgen úilerge jetkizýge kómektesti. Olardy qajetti qorǵanys quralymen qamtamasyz ettik», - dedi D.Abdýhalil.
Óz kezeginde osyndai qoldaýǵa ie bolǵan, II toptaǵy múgedek qyzdy tárbielep otyrǵan Rábiǵa Álmaǵambetova Elbasynyń #BizBirgemiz atty igi bastamasyna, «Nur Otan» partiiasy men volonterlerge óz alǵysyn bildirdi.
Aita keteiik, azyq-túlik taratý kezinde barlyq sanitarlyq normalar saqtaldy.
