Almatyda kólik terezesin syndyrǵan er adam ustaldy, dep habarlaidy QazAqparat.
Almaty qalalyq politsiia departamentiniń málimetinshe, 26 jastaǵy jigittiń zańsyz áreketi turǵyn úilerdiń kireberisine ornatylǵan beinebaqylaý kameralaryna jazylyp qalǵan.
«Bul derek áleýmettik jeliler arqyly belgili boldy. Ol kezde politsiiaǵa resmi aryz túsken joq. Soǵan qaramastan, bótenniń múlkin urlaý deregi QR QK-niń 188-baby boiynsha sotqa deiingi tergeýdiń biryńǵai tizilimine tirkeldi. Jedel is-sharalar barysynda kólikteri dál osyndai jolmen tonalǵan taǵy alty jábirlenýshi anyqtaldy. Kúdikti – 1996 jyly týǵan B. esimdi azamat ustaldy», - deidi Jetisý aýdandyq politsiia basqarmasynyń bastyǵy Darhan Musanov.
Kúdikti kólikterdiń terezesin syndyryp, ishinen beinetirkegishterdi urlaǵan.
Búgingi kúni ol eki urlyq jasaǵanyn moiyndady.
