Almatyda jeńil avtokólik avtobýs aialdamasyna soǵyldy, saldarynan 7 adam zardap shekti. Bul týraly qalalyq politsiia departamenti habarlady.
Vedomstvo málimetinshe, jol apaty dúisenbi saǵat 12:20-da bolǵan.
Mercedes kóligin tizgindegen 1987 jyly týǵan júrgizýshi Abylai han kóshesimen ońtústik baǵytta kele jatyp, Raiymbek dańǵylyna burylǵan tusta rólge ie bola almai, aialdamaǵa soqtyǵysqan.
"Jol apaty saldarynan aialdamada turǵan 7 adam zardap shekti. Olar qalanyń meditsinalyq mekemelerine jetkizildi", - delingen habarlamada.
Bul derek Almaly aýdany politsiia basqarmasynda tirkelip, óndiriske alyndy.
