Almatylyq 22 jastaǵy «Gelandewagen» júrgizýshisine kólikpen artqa júrgeni úshin aiyppul salyndy, dep habarlaidy "Ult aqparat" Almaty politsiiasyna silteme jasap.
Almatylyq jas júrgizýshige politsiia birden úsh hattama toltyrdy. Ákimshilik jaýapkershilikke tartyp, aiyppul saldy.
«Ádette, jol erejelerin buzatyndar buǵan aldyn ala daiyndalady. Jas jigit óziniń kóligine jalǵan nómir belgilerin ornatqan. Osy úshin QR Ákimshilik quqyq buzýshylyq týraly kodeksiniń 590-baby 3-tarmaǵyna sáikes 15 AEK aiyppul tóleýi tiis. Jalǵan nómirli kólikti basqarǵany úshin 20 AEK aiyppul nemese 6 ai merzimge júrgizýshi kýáliginen aiyrylady. Qazir bul óndiris materialdary sheshim qabyldaý úshin Almaty qalalyq mamandandyrylǵan aýdanaralyq ákimshilik sotyna jiberildi», - dedi AP Ákimshilik politsiia basqarmasynyń bastyǵy Jandos Murataliev.
Budan bólek, júrgizýshige kóligin artqa aidaǵany úshin úshinshi hattama toltyryldy. Jol júrý erejesin óreskel buzǵany úshin ol 10 AEK aiyppul tóleidi.
