Almatyda blokpostan adam ótkizbek bolǵan qoqys tasityn kólik júrgizýshisi ustaldy, dep habarlaidy QazAqparat.
Almaty qalalyq PD habarlaýynshy, túngi saǵat eki shamasynda Aqyn Sara men Aqsai kósheleriniń qiylysynda ornalasqan №7 baqylaý-ótkizý pýnktinde 1994 jyly týǵan L.esimdi azamattyń basqarýymen qoqys tasityn kólik quraly tekserildi, anyqtalǵandai, kólikte jolaýshy retinde Almaty oblysynyń 19 jastaǵy turǵyny bolǵan.
«Júrgizýshi muny aqshalai syiaqy úshin jasady. Alaida, áreket sátsiz aiaqtaldy. Olar ustaldy. Qazirgi ýaqytta júrgizýshige de, onyń jolaýshysyna da qatysty QR ÁQbK-niń 476-baby boiynsha quqyq buzýshylyq negizinde ákimshilik is qozǵaldy. Azamattarǵa taǵy da tótenshe jaǵdai erejelerin qatań saqtaýdy eskertý qajet. Bul normalardy elemegenderge, kem degende 10 AEK mólsherinde aiyppul, eń kóbi 15 táýlikke ákimshilik qamaýǵa alynady», - deidi Alataý aýdandyq politsiia basqarmasynyń bastyǵy Ulan Ábilqaiyr.
