الماتىدا بلوكپوستان ادام ٶتكٸزبەك بولعان قوقىس تاسيتىن كٶلٸك جٷرگٸزۋشٸسٸ ۇستالدى, دەپ حابارلايدى قازاقپارات.
الماتى قالالىق پد حابارلاۋىنشى, تٷنگٸ ساعات ەكٸ شاماسىندا اقىن سارا مەن اقساي كٶشەلەرٸنٸڭ قيىلىسىندا ورنالاسقان №7 باقىلاۋ-ٶتكٸزۋ پۋنكتٸندە 1994 جىلى تۋعان ل.ەسٸمدٸ ازاماتتىڭ باسقارۋىمەن قوقىس تاسيتىن كٶلٸك قۇرالى تەكسەرٸلدٸ, انىقتالعانداي, كٶلٸكتە جولاۋشى رەتٸندە الماتى وبلىسىنىڭ 19 جاستاعى تۇرعىنى بولعان.
«جٷرگٸزۋشٸ مۇنى اقشالاي سىياقى ٷشٸن جاسادى. الايدا, ەرەكەت سەتسٸز اياقتالدى. ولار ۇستالدى. قازٸرگٸ ۋاقىتتا جٷرگٸزۋشٸگە دە, ونىڭ جولاۋشىسىنا دا قاتىستى قر ەقبك-نٸڭ 476-بابى بويىنشا قۇقىق بۇزۋشىلىق نەگٸزٸندە ەكٸمشٸلٸك ٸس قوزعالدى. ازاماتتارعا تاعى دا تٶتەنشە جاعداي ەرەجەلەرٸن قاتاڭ ساقتاۋدى ەسكەرتۋ قاجەت. بۇل نورمالاردى ەلەمەگەندەرگە, كەم دەگەندە 10 اەك مٶلشەرٸندە ايىپپۇل, ەڭ كٶبٸ 15 تەۋلٸككە ەكٸمشٸلٸك قاماۋعا الىنادى», - دەيدٸ الاتاۋ اۋداندىق پوليتسييا باسقارماسىنىڭ باستىعى ۇلان ەبٸلقايىر.
