Almaty qalasynyń ákimi Baqytjan Saǵyntaevtyń tapsyrmasy boiynsha megapoliste Qoǵamdyq meditsinalyq keńes quryldy, dep habarlaidy "Ult aqparat".
Almaty qalasynyń ákimi Baqytjan Saǵyntaevtyń tapsyrmasyn oryndaý aiasynda, sondai-aq, densaýlyq saqtaý ministri Eljan Birtanov belgilegen meditsinalyq qaýymdastyqpen ózara árekettestik júiesin qurý jónindegi nusqaýyna sáikes shahar basshysynyń orynbasary Erjan Babaqumarovtyń basshylyǵymen Almaty qalasynyń Qoǵamdyq meditsinalyq keńesi quryldy.
Keńestiń quramyna meditsinalyq qaýymdastyqtardyń shamamen 140 jetekshi profildi sarapshylary men ókilderi kirdi. Olardyń qatarynda «Akýsheriia, ginekologiia jáne perinatologiia ǵylymi ortalyǵy» AQ táýelsiz direktory Aida Áljanova, TRIZ-fasilitator, halyqaralyq akkreditatsiialanǵan mediator Irina Vigovskaia, «Almaty klinikalary qaýymdastyǵy» JKjZTB atqarýshy direktory Rasýl Dúisenov, Qazaqstandyq reprodkýtivti meditsina qaýymdastyǵynyń prezidenti, joǵary sanatty akýsher-ginekolog dáriger Viacheslav Lokshin, A.N.Syzǵanov atyndaǵy «Ulttyq ǵylymi hirýrgiia ortalyǵy» AQ basqarmasynyń tóraǵasy Bolatbek Baimahanov, sonymen birge, respýblikalyq meditsinalyq ortalyqtardyń, memlekettik jáne jekemenshik uiymdardyń, meditsinalyq ýniversitetterdiń, qalalyq densaýlyq saqtaý basqarmasy men taýarlar men qyzmetterdiń sapasyn baqylaý departamentiniń ókilderi bar.
Keńestiń mindeti – aǵymdaǵy jaǵdaiǵa taldaý jasai otyryp, Almaty qalasynyń densaýlyq saqtaý júiesin damytý boiynsha sharalardy jasap shyǵarý. Keńes qurylymynda úsh jumys toby quryldy: dárigerler arasynda virýs juqtyrýdyń aldyn alý, qazirgi meditsina uiymdarynyń jumysy, Almaty qalasynda densaýlyq saqtaý júiesiniń postkrizistik damý strategiiasy.
«Memleket basshysy atap ótkendei, aldaǵy (bolashaqtaǵy) daǵdarysqa daiyndyqty qamtamasyz etýde densaýlyq saqtaý júiesin jańǵyrtyp, qoiylǵan mindetterdiń basymdyǵyn qaita qaraý úshin jańa bastamalardy qolǵa alýymyz kerek. Qoǵamdyq meditsinalyq keńestiń maqsaty – Almaty qalasy densaýlyq saqtaý júieisiniń postkrizistik damýy úshin qajetti sharalar paketin jasap shyǵarý. Jańa tásilder meditsinalyq qyzmet kórsetýdiń joǵary sapasyn qamtamasyz etýge, qalalyq meditsinalyq qoǵamdastyqtyń azamattardyń densaýlyǵyna qatysty jaǵdailarda tez áreket etýge,sonymen birge, áldeqaida keń taraityn aýrý túrlerine qarai baǵyttalatyn bolady», – dep atap ótti E.Babaqumarov.
Kezdesý barysynda meditsina qyzmetkerleriniń eńbek qaýipsizdigin qamtamasyz etý jáne olardyń koronavirýs infektsiiasyn juqtyrý qaýpinen qorǵaý tásilderi qarastyryldy. Jekelei alǵanda, meditsina qyzmetkerleriniń jeke qorǵanysh quraldary sapaly testtermen qamtylýyn jáne koronavirýsty tekserýde zerthanalyq zertteýlerdi jaqsartý jaiy da sóz boldy.
Keńes músheleri tarapynan memlekettik jáne jekemenshik meditsinalyq uiymdardyń jumys tiimdiligin arttyrý, jumys barysyn jetildirý, meditsinalyq qyzmetterge qoljetimdilikti arttyrý, halyqpen jáne qalanyń ishki meditsinalyq qoǵamdastyqtarymen bailanysty jaqsartý, sondai-aq, otandyq meditsinaǵa degen halyqtyń senimin arttyrý jóninde birqatar usynystar aityldy.
«Búgingi tańda meditsinalyq qyzmetkerleri stresti jaǵdaida jáne olarǵa artylǵan júk aýyr bolyp otyr. Sol sebepti meditsina mekemeleriniń barlyq qyzmetkerlerine arnap qashyqtyqtan streske qarsy baǵdarlama jasaý usynysy bar. Bul salada bizde aitýly mamandarymyz da bar», - dedi TRIZ-fasilitator, halyqaralyq akkreditatsiialanǵan mediator Irina Vigovskaia.
Almaty klinikalary qaýymdastyǵy» JKjZTB atqarýshy direktory Rasýl Dúisenov meditsina qyzmetkerleriniń virýs juqtyrý jaǵdaiyn taldaýǵa jiti nazar aýdardy. Bul eńbek qaýipsizdigin qamtamasyz etý jóninde jańa ádisterdi jasaýda, sonymen birge dárigerler arasynda jańadan juqtyrý jaǵdaiyn boldyrmaý úshin kerek ekenin atap ótti.
Óz kezeginde azamattyq belsendi Aida Áljanova bul bastamanyń Keńes quramyndaǵy árbir músheniń osy iske belsendi qatysýyn qajet etetin, durys ujymdyq sheshim qabyldaýǵa uiytqy bolatyn fasilitatsiia tehnologiiasyn qoldana otyryp jasalatyn jańa jumys formaty ekendigin atap ótti. Barlyq usynystar júiege keltirilip, egjei-tegjei tekseriledi. Olardyń negizinde qalanyń meditsinalyq uiymdaryna arnap daǵdarys kezinde jáne odan keiingi kezeń úshin strategiia qurylmaq.
Otyrys qorytyndysy boiynsha Almaty qalasy ákiminiń orynbasary Erjan Babaqumarov Keńestiń institýttandyrylatynyn jáne onyń tek koronavirýs infektsiiasymen kúresý sharalaryn júrgizýmen ǵana emes, karantin aiaqtalǵannan keiin de jumysyn jalǵastyratynyn atap ótti.
«Qoǵamdyq keńes meditsinalyq qoǵamdastyqpen dialog qurýdyń yqpaldy tetigine ainalady. Keńestiń qatysýymen tájiribede júzege asyrýǵa usynylatyn qorytyndy qujattar jasalady», - dep qortyndylady Erjan Babaqumarov.
