Almatyda qoǵamdyq kólikterdiń júrý ýaqyty qysqardy. Bul týraly onlain brifing barysynda Almaty qalalyq mobildilik basqarmasynyń basshysy Erlan Ádilov aitty, dep habarlaidy QazAqparat.
«Shekteý sharalary aiasynda qoǵamdyq kólikterdiń júrý ýaqyty bir saǵatqa qysqardy. Iaǵni avtobýs, trolleibýs marshrýttary men metro tańǵy saǵat 06:00 den keshki saǵat 22:00 deiin júredi. Mundai sheshim arnaiy komissiia men qalanyń bas sanitarlyq dárigeriniń qaýlysyna sáikes qabyldandy»,– deidi Erlan Ádilov.
Sonymen qatar, ol qaýipti indettiń ýshyǵa túsýine bailanysty senbi-jeksenbi kúnderi qoǵamdyq kóliktiń qyzmeti toqtatylatynyn aitty.
«Bul kúnderi qoǵamdyq kólikter men avtobýs parkterinde dezinfektsiialyq jumystar júrgiziledi»,– dedi ol.
