Foto: ©️ Tengrinews.kz / Álihan Sariev
Almatyda qoǵamdyq kólikte júrýdiń jańa tarifteri bekitildi, - dep habarlaidy Tengrinews.kz saity.
Bul týraly máslihattyń VII sessiiasynda Almaty qalasy ákiminiń orynbasary Asqar Ámrin málimdedi. Ońai kartasymen nemese QR kody arqyly tólem jasaǵanda jol júrý aqysy 100 teńge bolady. Jol aqysy 20 teńgege kóteriledi. Qolma-qol tólegen kezde jol júrý aqysy úshten birge – 150-den 200 teńgege deiin kóteriledi.
"Qoldanystaǵy tarif tasymaldaýshylardyń shyǵyndaryn ótemeidi, óitkeni naqty tarif bekitilgennen 3 ese qymbat. Osyǵan bailanysty ákimdik ai saiyn sýbsidiia túrinde tasymaldaýshylardyń shyǵyndaryn ótep otyr. Osy kezeńge 2020-2022 jyldary tólengen sýbsidiia kólemi 115,8 milliard teńge boldy", - deidi Asqar Ámrin.
Megapolistiń kólik infraqurylymyna túsetin júkteme orasan zor, bul rette joldardyń jai-kúii, kólik parkin jańartý, qala basshylyǵynyń jiti nazarynda.
"Qolma-qol aqshasyz tólemge 100 teńge jáne qolma-qol tólemge 200 teńge kóleminde jańa tarifterdi qoldaný biylǵy jyly sýbsidiia kólemin shamamen 10 milliard teńgege qysqartýǵa múmkindik beredi. Olardy basqa da áleýmettik mańyzy bar jobalarǵa qaita bólýge múmkindik týady", - deidi qala ákiminiń orynbasary Asqar Ámrin.
Qaladaǵy avtobýstardyń jolaqysy sońǵy ret 2017 jyly kóterilse, 80 teńgelik jolaqy 2012 jyldan beri bar.
Eske salaiyq, buǵan deiin qoǵamdyq kólikterde jol júrý aqysyn kóterý týraly ákimdik qaýlysynyń jobasy jariialanǵan bolatyn. Onda mundai qadam biýdjet shyǵyndaryn azaitý úshin jasalǵany aitylǵan. 2017-2022 jyldar aralyǵynda sýbsidiialaý kólemi 13,8 ese, 6,9 milliard teńgeden 50 milliard teńgege deiin ósken. Biylǵy jyly sýbsidiialaýdyń boljamdy kólemi 85,5 milliard teńge bolyp, belgili bir dárejede "biýdjetke aýyrtpalyq" týǵyzyp otyr. Naqty jol júrý aqysy sýbsidiialardy esepke almaǵanda, qoldanystaǵy esepteý ádisi boiynsha 425 teńge boldy.
