kórneki foto: Almaty ákimdiginiń baspasóz qyzmeti
Almatyda búginnen bastap qoǵamdyq kólikterde, iaǵni avtobýstarda, metroda jáne trolleibýstarda jol júrý aqysy ósti, - dep habarlaidy "Ult aqparat".
Soǵan orai kartamen nemese SMS kod arqyly tólegende, 100 teńge bolsa, qolma-qol tóleý kezinde jolaqysy 200 teńgege jetti. Buryn jol júrý quny 80 jáne 150 teńge bolǵan edi.
Tegin júrýge kimder quqyly?
- UOS qatysýshylary, múmkindigi shekteýli jandar,
- 75 jastan asqan zeinetkerler,
- birinshi, ekinshi toptaǵy múmkindigi shekteýli jandar jáne on segiz jasqa deiingi múmkindigi shekteýli balalar,
- 1986 jylǵy 17-18 jeltoqsandaǵy oqiǵalarǵa qatysqany úshin saiasi qýǵyn-súrginge ushyraǵan adamdar,
- basqa memleketter aýmaǵyndaǵy soǵys qimyldarynyń ardagerleri,
- "Altyn alqa" jáne "Kúmis alqa" alqalarymen marapattalǵan kópbalaly analar.
Kimge 50 paiyz jeńildik beriledi?
50 paiyz jeńildikpen jol júrý quny 50 teńge bolady. Oǵan myna adamdar quqyly:
- jalpy bilim beretin mektepterdiń 15 jastan asqan oqýshylary,
- tehnikalyq jáne kásiptik bilim berý mekemeleriniń oqýshylary,
- kúndizgi oqý nysanyndaǵy joǵary oqý oryndarynyń stýdentteri,
- zeinetkerler,
- kópbalaly analar,
- on segiz jasqa deiingi múmkindigi shekteýli balalarmen birge júretin adamdar.
Eske salaiyq, buǵan deiin Almatyda qoǵamdyq kólikte jol júrýge jańa tarifter bekitilgeni habarlanǵan edi.
