Qalalyq mobildilik basqarmasy, kólik holdingi men quqyq qorǵaý organdary qyzmetkerlerinen quralǵan monitoring toptary jolaýshylardyń sanitarlyq erejelerdi ustanýyn tekserýdi qolǵa aldy, dep habarlaidy "Ult aqparat".
Buǵan deiin qoǵamdyq kólikte basqarma qyzmetkerleri reid júrgizip, tek eskertý jasai alatyn.
Qazirgi monitoring toby sanitarlyq erejelerdi buzǵandarǵa aiyppul salyp, shara qoldanýǵa quqyly.
«Sonymen qatar, qalada jolaýshylardyń qaýipsizdigin qamtamasyz etý maqsatynda keshendi is-sharalar júzege asyrylyp jatyr. Jolaýshylar aǵymyna qarai júktemesi joǵary 28 baǵyt boiynsha qosymsha avtobýstar shyǵarylyp, júrý intervaly qaita qarastyryldy. Sońǵy aialdamalarda avtobýs salondaryna dezinfektsiia jasalady»,-dep habarlady ákimdikten.
Sondai-aq avtobýstar men metroda maska taǵý qajettigi týraly aqparattyq aýdiohabarlama jasalady. Júrgizýshiler jumys ýaqytynda maska taǵýǵa mindetteldi.
Sonymen qatar, maska taqpaǵan jolaýshylardy qoǵamdyq kólikke kirgizbeý jáne qajet bolǵan jaǵdaida túsirip ketý týraly tapsyrma berildi.
Kólik holdingi qyzmetkerleri de karantin kezinde sanitarlyq normalardy buzýshylarǵa eskertý jasap, avtobýstan túsirý týraly tapsyrma aldy.
Almatylyqtardyń qajettiligin tolyq óteý úshin qalaǵa myńǵa jýyq avtobýs qajet. Bul baǵytta jumystar jalǵasyp jatyr.
2021 jyly kommýnaldyq avtoparkke 150 jańa gazben júretin avtobýs jetkizildi.
Jolaýshylardyń suranysyna qarai avtobýstardyń bir bóligi eski avtobýstardy jańalaýǵa jáne marshrýttardy kúsheitýge, al bir bóligi jańa marshrýttar ashýǵa jiberildi.
Jyldyń aiaǵyna deiin tasymaldaýshylar eki júzden asa avtobýs satyp alýdy josparlap otyr.
