قالالىق موبيلدٸلٸك باسقارماسى, كٶلٸك حولدينگٸ مەن قۇقىق قورعاۋ ورگاندارى قىزمەتكەرلەرٸنەن قۇرالعان مونيتورينگ توپتارى جولاۋشىلاردىڭ سانيتارلىق ەرەجەلەردٸ ۇستانۋىن تەكسەرۋدٸ قولعا الدى, دەپ حابارلايدى "ۇلت اقپارات".
بۇعان دەيٸن قوعامدىق كٶلٸكتە باسقارما قىزمەتكەرلەرٸ رەيد جٷرگٸزٸپ, تەك ەسكەرتۋ جاساي الاتىن.
قازٸرگٸ مونيتورينگ توبى سانيتارلىق ەرەجەلەردٸ بۇزعاندارعا ايىپپۇل سالىپ, شارا قولدانۋعا قۇقىلى.
«سونىمەن قاتار, قالادا جولاۋشىلاردىڭ قاۋٸپسٸزدٸگٸن قامتاماسىز ەتۋ ماقساتىندا كەشەندٸ ٸس-شارالار جٷزەگە اسىرىلىپ جاتىر. جولاۋشىلار اعىمىنا قاراي جٷكتەمەسٸ جوعارى 28 باعىت بويىنشا قوسىمشا اۆتوبۋستار شىعارىلىپ, جٷرۋ ينتەرۆالى قايتا قاراستىرىلدى. سوڭعى ايالدامالاردا اۆتوبۋس سالوندارىنا دەزينفەكتسييا جاسالادى»,-دەپ حابارلادى ەكٸمدٸكتەن.
سونداي-اق اۆتوبۋستار مەن مەترودا ماسكا تاعۋ قاجەتتٸگٸ تۋرالى اقپاراتتىق اۋديوحابارلاما جاسالادى. جٷرگٸزۋشٸلەر جۇمىس ۋاقىتىندا ماسكا تاعۋعا مٸندەتتەلدٸ.
سونىمەن قاتار, ماسكا تاقپاعان جولاۋشىلاردى قوعامدىق كٶلٸككە كٸرگٸزبەۋ جەنە قاجەت بولعان جاعدايدا تٷسٸرٸپ كەتۋ تۋرالى تاپسىرما بەرٸلدٸ.
كٶلٸك حولدينگٸ قىزمەتكەرلەرٸ دە كارانتين كەزٸندە سانيتارلىق نورمالاردى بۇزۋشىلارعا ەسكەرتۋ جاساپ, اۆتوبۋستان تٷسٸرۋ تۋرالى تاپسىرما الدى.
الماتىلىقتاردىڭ قاجەتتٸلٸگٸن تولىق ٶتەۋ ٷشٸن قالاعا مىڭعا جۋىق اۆتوبۋس قاجەت. بۇل باعىتتا جۇمىستار جالعاسىپ جاتىر.
2021 جىلى كوممۋنالدىق اۆتوپارككە 150 جاڭا گازبەن جٷرەتٸن اۆتوبۋس جەتكٸزٸلدٸ.
جولاۋشىلاردىڭ سۇرانىسىنا قاراي اۆتوبۋستاردىڭ بٸر بٶلٸگٸ ەسكٸ اۆتوبۋستاردى جاڭالاۋعا جەنە مارشرۋتتاردى كٷشەيتۋگە, ال بٸر بٶلٸگٸ جاڭا مارشرۋتتار اشۋعا جٸبەرٸلدٸ.
جىلدىڭ اياعىنا دەيٸن تاسىمالداۋشىلار ەكٸ جٷزدەن اسا اۆتوبۋس ساتىپ الۋدى جوسپارلاپ وتىر.
