Foto: videodan skrinshot
Almaty qalasynda marshrýttyq avtobýsta qalta urysy jolaýshy áieldiń qomaqty qarjysyn qoldy qylǵan, dep habarlaidy Ult.kz.
Politsiianyń habarlaýynsha, kúdikti adam kóp jinalǵan sátti paidalanyp, jábirlenýshiniń sómkesinen bildirtpei teńgedegi jáne shetel valiýtasyndaǵy aqshany, sondai-aq altyn buiymdardy urlap ketken.
Aldyn ala esep boiynsha, keltirilgen materialdyq shyǵyn 4,1 million teńgeden asady.
Atalǵan derek boiynsha qylmystyq is qozǵalyp, jedel-tergeý sharalary bastaldy. Kúdiktiniń qylmysqa qatysy bar ekeni anyqtalyp, tintý barysynda urlanǵan zattardyń bir bóligi tárkilendi. Sonymen qatar onyń áreketi qoǵamdyq kóliktegi beinebaqylaý kameralaryna túsip qalǵan.
Qazirgi ýaqytta tergeý amaldary jalǵasyp jatyr.
