Foto avtory: Daniiar Mýsirov, Vlast.kz
Almatyda qoǵamdyq kólikte jol júrý aqysy kóterilýi múmkin. "Ashyq NQA" saitynda Almaty ákimdigi qaýlysynyń jobasy jariialandy.
Qazir Almaty qalasynda qoǵamdyq kólikte júrý aqysy qolma-qol aqshasyz tóleý kezinde 80 teńge bolyp belgilengen. Bul mólsherleme 2012 jyly belgilendi jáne búginge deiin ózgerissiz qaldy. 2017 jyldan bastap qolma-qol tólem úshin jol júrý aqysy 150 teńge bolyp bekitildi.
"Sońǵy 11 jylda tasymaldaýshylar kótergen barlyq shyǵyn baptarynyń quny aitarlyqtai ósti. Máselen, dizel otynynyń quny 90 teńge bolsa, búginde ol 295 teńge (+328 paiyz) boldy, gazdyń quny 2007 jyly 33 teńge, al búgingi kúni 108 teńge (+327 paiyz) bolyp belgilendi. Sonymen qatar, avtobýstardyń qunyn qosa alǵanda, basqa da shyǵyndar boiynsha da jaǵdai osyndai", - deidi qala ákimdigi ókilderi.
Ákimdik málimetinshe, bul shyǵyndar tasymaldaýshylardyń shyǵynyn sýbsidiialaý kóleminen tikelei kórinedi. Máselen, 2017-2022 jyldar aralyǵynda sýbsidiialaý kólemi 13,8 ese, iaǵni 6,9 milliard teńgeden 50 milliard teńgege deiin ósti. Osy jyly sýbsidiialardyń boljamdy kólemi bekitilgen tarif boiynsha shamamen 85,5 milliard teńge bolyp, belgili bir deńgeide "biýdjetke aýyrtpalyq" týǵyzyp otyr.
"Osy jyly tarifterdi esepteý ádistemesi boiynsha tariftiń ortasha quny 425 teńge boldy. Osyǵan bailanysty 2023 jyly tariftiń qunyn qaita qarap, qolma-qol aqshasyz tóleý 100 teńge, qolma-qol tólem úshin jol júrý aqysy 200 teńge bolyp bekitildi", - delingen jazabada.
Eske sala keteiik, Astanada tarif quny 90 teńgeden 180 teńgege deiin, Shyǵys Qazaqstan oblysynda 90 teńgeden 130 teńgege deiin, Jambyl oblysynda 85 teńgeden 130 teńgege deiin, Qostanai oblysynda 100 teńgeden 170 teńgege deiin kóterilgen.
