Almatyda Zerdeli shaǵyn aýdany turǵyndary tikelei efirde qala ákimi Baqytjan Saǵyntaevqa taǵy shaǵymdandy, dep habarlaidy QazAqparat.
Ákimdik qalpyna keltirgen úilerge qaita kóshken turǵyndardyń kóńili áli jailanar emes.
«Osy baǵytta úlken jumys jasaldy. Bul suraq qoǵam men BAQ baqylaýynda tur. Qalpyna keltirý jumystary aiaqtaldy. Qazaq Qurylys-sáýlet ǵylymi zertteý jáne Jobalaý institýty kesimdi sheshim shyǵardy. Úi tekserýden ótti. Synǵan esikter, qasbet podezder qalpyna keltirildi. Kóp adamdar úilerine qaita kóship keldi. Biraq olardyń keibireýleri áli de jasalǵan jumysqa kóńili tolmai jatyr. Olarmen jeke-jeke jumys júrgizetin bolamyz», - dedi ákim.
Qala ákimi osy aýdanda turǵan basqa da úiler kúsheitilip jatqanyn aitty.
«Qazir ekinshi úi qalpyna keltirilip jatyr. Jalpy alǵanda 6 úide osyndai jumys júrgiziledi. Jaqyn arada oǵan qarajat bólinedi», - dedi ákim.
Eske salaiyq, Almatyda Zerdeli shaǵynaýdanynda kópqabatty úidiń qabyrǵasy bir jaǵyna qisaia bastaǵan soń turǵyndar dabyl qaqqan bolatyn.
2019 jyldyń sońǵy ailarynda bastalǵan úidiń negizi men tirek konstrýktsiialaryn júieli túrde zertteý, ǵimarattyń kún saiynǵy qisaiýyn ólsheý jáne onyń múmkin bolatyn serpinin qadaǵalaǵan QazQSǴZI zerthanasynyń mamandary osy úide turý qaýipsizdigine qatysty qorytyndy jasady.
Mamandardyń málimeti boiynsha, qalpyna keltirý jumystary aiaqtalǵannan keiin úi odan ári paidalanýǵa jaramdy bolady. Barlyq turǵyndar qala ákimshiligi esebinen jalǵa beriletin baspanamen qamtamasyz etilgen. Balalaryn balabaqshalar men basqa da bilim berý mekemelerine ornalastyrýǵa kómek kórsetildi.
