Almatyda Halyqqa qyzmet kórsetý ortalyqtary jumysyna qaita kirisken alǵashqy kúni 12,5 myńnan asa qyzmet kórsetken. Bul týraly «Azamattarǵa arnalǵan úkimet» memlekettik korporatsiiasy Almaty qalalyq filialynyń PR-menedjeri Jańyl Ápetova Facebook paraqshasynda jazdy.
Keshe Almaty qalasynyń halyqqa qyzmet kórsetý ortalyqtary jumysyn qaita jandandyryp, jańa formatta qyzmet kórsete bastady.
«Azamattarǵa arnalǵan úkimet» memlekettik korporatsiiasy koronavirýs pandemiiasy qaýpiniń saqtalýyna bailanysty memlekettik qyzmetterdi kórsetýdiń jańa formatyn usynǵan bolatyn. Soǵan sáikes azamattar HQO-dan tek «qaǵaz júzindegi» qyzmetter men onlain túrde rásimdelgen qyzmetterdiń nátijelerin ala alady.
25 mamyrda Almaty HQO-larynda tańǵy 8-den úlken kezek paida boldy. Kezek kútken adamdardyń sońy ǵimarattyń syrtyna shyǵyp ketken.
«Alǵashqy jumys kúni qarbalasqa toly boldy. Eki aidan beri memlekettik qyzmet alýǵa qatysty máseleleri jinaqtalyp qalǵan almatylyqtardyń keibiri, HQO-nyń jańa formattaǵy jumysyn eskermei, kezekti aldyn ala brondamai kelgen. Olarǵa arnaiy mamandar bólinip, HQO aýlasynda smartfon arqyly bron jasaldy. Kópshiligi qujattarynyń merzimi ótip ketti dep asyǵyp kelgen», - dedi Jańyl Ápetova.
«Azamattarǵa arnalǵan úkimet» memlekettik korporatsiiasynyń ókili merzimi ótken qujattar 10 shildege deiin jaramdy ekendigin eskertti. «Elektrondyq qyzmetterdi úiinde alý múmkindigi joq adamdarǵa, Almaty qalasynda 40-tan asa ózine ózi qyzmet kórsetý sektorlary uiymdastyrylǵan. Al, tsifrlyq qyzmet alýdy meńgermegender úshin Almaly jáne Alataý aýdandarynda 2 tsifrlyq HQO jumys istep jatyr. Munda mamandar onlain qyzmet alýdy úiretedi. Jalpy, memlekettik qyzmetterdi usynýdyń qazirgi jańa ádisi, eń aldymen qyzmet alýshy úshin óte yńǵaily», - delingen jazbada.
Alǵashqy jumys kúni Almaty HQO-larynda 12,5 myńnan asa memlekettik qyzmet kórsetildi. Olardyń 70%-dan astamy aldyn ala brondaý arqyly qamtamasyz etilgen. Qalǵandary sol jerde bron jasaǵan nemese operatorlardyń bosaǵanyn kútken.
Osylaisha, Almaty qalasyndaǵy 16 front-ofis (onyń ekeýi tsifrlyq HQO), 5 mamandandyrylǵan HQO, 2 Migratsiialyq qyzmet kórsetý ortalyǵynyń alǵashqy jumys kúninde 12542 adamǵa qyzmet kórsetilgen.
Front-ofisterge júgingen 7208 adamnyń 2558-i tólqujattary men jeke kýálikterin rásimdegen, 619 adam turǵylyqty jeri boiynsha tirkelgen. Onyń 475-i turaqty, 144-i ýaqytsha tirkelip, 48 adam turǵylyqty jerinen esepten shyqqan.
Mamandandyrylǵan HQO-larǵa júgingen 3589 adamnyń 3012-si kólik quraldaryn tirkeý jáne qaita tirkeý, 577-si júrgizýshi kýáligin rásimdeý qyzmetteriniń nátijelerin aldy.
Migratsiialyq HQO-larda sheteldik azamattarǵa 696 qyzmet kórsetilgen. Olardyń 496-sy - eńbekke ruqsat alý, 149-y - ýaqytsha tikeýge turý, 51-i JSN alý qyzmetterin paidalanǵan.
Almaly jáne Alataý aýdandarynda ashylǵan tsifrlyq qyzmet kórsetý ortalyǵyna 1050 adam kelip, elektrondyq qyzmetter alyp, onlain qyzmet alý daǵdylaryna úirengen.
«Halyqqa qyzmet kórsetý ortalyǵyna kezek ýaqytyn egov.kz portaly, telegram-bot eGovKzBot2.0 nemese 1414 nómirine qońyraý shalý arqyly belgileý qajet. Eskeretin jáit, HQO-ǵa qatań túrde belgilengen ýaqyt aralyǵynda barǵan jón. Sebebi bron ýaqyty ótip ketse, qaita brondaý rásimin jasaý kerek bolady. Sonymen qatar bron barysynda tirkelgen JSN iesi ǵana elektrondy kezekti paidalana alady», - dedi J.Ápetova.
Almaty HQO-lary dúisenbi men senbi aralyǵynda, tańǵy saǵat 9.00-den keshki saǵat 20.00-ge deiin jumys isteidi.
