Foto: Tengrinews.kz
Almatyda hirýrgtar 62 jastaǵy áieldiń ótinen 1730 tas aldy, - dep habarlaidy Tengrinews.kz.
Almaty qalasynyń №7 qalalyq klinikalyq aýrýhanasyna 62 jastaǵy áiel oń jaq qabyrǵa astynyń aýrýy, júrek ainý, qusý, aýyzdyń qurǵaýy sekildi shaǵymdarymen shuǵyl túsken.
Dárigerler teksergennen keiin naýqasqa "Jedel tas holetsistiti" degen diagnoz qoiǵan. Kelesi kúni oǵan ota jasalǵan.
Ota barysynda ótten diametri birneshe millimetrden 1,5 santimetrge deiingi 1735 tas shyǵarylǵan.
"Bul ota meniń rekordymdy jańartty. Bul joly tek ótten 1730-dan astam tas tabyldy. Densaýlyqty saqtaý jáne ót-tas aýrýymen bailanysty asqynýlardyń aldyn alý úshin profilaktikalyq jáne skriningtik tekserýlerden ótýdi usynamyn", - dedi hirýrgiia bóliminiń meńgerýshisi professor Musa Sahipov.
Mamandardyń aitýynsha, tastardyń sary tústi bolýy holesterinniń joǵary bolýyna bailanysty.
Ota sátti ótken. Naýqas ambýlatorlyq deńgeide em qabyldap jatyr.
