Almaty qalasy sanitarlyq-epidemiologiialyq baqylaý departamentiniń basshysy Jandarbek Bekshin turǵyndardy ózara bailanysty shekteýge shaqyrdy, dep habarlaidy "Ult aqparat".
Óńirlik kommýnikatsiialar qyzmetinde ótken baspasóz konferentsiiasynda spiker dert juqtyratyn yqtimal oryndar - saýda nysandary, otbasylyq bailanys jáne qoǵamdyq kólik ekenin aitty.
Bekshin infektsiia juqtyrý epidemiologiiadaǵy standartty kórsetkishke qatysty ekenin atap ótti. Al bul karantin sharalarynyń tiimdiligin baǵalaýǵa múmkindik beredi.
Sońǵy 7 kúnde Almatyda KVI juqtyratyn negizgi oryndar mynalar: saýda nysandarynda – 35%, otbasylardaǵy bailanystar – 19%, qoǵamdyq kólikte qatynaý – 16%, bazarlar - 14%, saiabaq pen halyqtyń demalatyn jaiaý júrginshiler kósheleri – 3,6% boldy.
Sonymen qatar infektsiianyń naqty oryndary anyqtaldy. Sońǵy aptada týystarmen jáne kórshilermen bailanys kezinde KVI infektsiiasy 0,2–0,4% ósti.
Azyq-túlik satpaityn dúkenderde – 0,1% jáne qoǵamdyq tamaqtaný nysandarynda, meiramhanalarda, dámhana men ashanalarda – 0,2%, monsha men saýnalarda – 0,4% óskeni baiqaldy.
«Ashyq jobasyna qatysýshy nysandarǵa barý kezinde juqtyrǵandardyń úles salmaǵy 106-dan 186 adamǵa deiin artty, bul olardyń kireberistegi kelýshilerdi baqylaý jumysyn kýálandyrady. Jobaǵa degen osyndai kózqaras HQO-da 16 adamdy, saýnalarda, bassein men fitnes-ortalyqtarda 11 adamdy, meiramhanalarda, kafelerde 8 qala turǵynyn jáne banket zaldarynda 5 adamdy anyqtady», – dedi Bekshin.
Megapolistiń bas sanitar dárigeri almatylyqtardan mindetti túrde betperde taǵý, jumys bólmesin, úi-jailardy únemi jeldetip otyrý, adam kóp jinalatyn oryndarǵa barmaýdy ótindi.
Infektsiia kúdigi týyndaǵan jaǵdaida birden dárigerdiń kómegine júginip, basqa adamdarǵa juqtyrmas úshin shekteý sharalaryn saqtaý qajet.
