.jpeg)
Almatyda H Azamattyq forýmnyń plenarlyq otyrysy ótip jatyr. Sharaǵa QR Prezidenti Ákimshiligi Basshysynyń birinshi orynbasary Dáýren Abaev, QR Aqparat jáne qoǵamdyq damý ministri Aida Balaeva, Azamattyq Aliansynyń prezidenti Baný Nurǵazieva qatysýda, dep habarlaidy "Ult aqparat".
Plenarlyq otyrys aiasynda Prezident Ákimshiligi Basshysynyń birinshi orynbasary D.Abaev Memleket basshysynyń quttyqtaý sózin forým qatysýshylaryna jetkizdi.
"Qurmetti qaýym!
Barshańyzdy H Azamattyq forýmnyń ashylýymen quttyqtaimyn!
Bul – memleket pen úkimettik emes uiymdardyń úilesimdi damýyna zor úles qosatyn mańyzdy basqosý.
Azamattyq qoǵam qurý – biz úshin negizgi basymdyqtyń biri. Elbasynyń bastamasymen 2003 jyldan beri turaqty ótkizilip kele jatqan forým – osynyń aiqyn dáleli.
Dialogtyń osy úlgisi kóptegen máseleni talqylap, usynys ázirleitin tiimdi pikirtalas alańyna ainaldy. Forým azamattyq bastamalardy qoldaý úshin júieli sharalar qabyldaýǵa septigin tigizýde. Sondai-aq, strategiialyq jáne zańnamalyq qujattar daiyndaýǵa yqpal etýde.
Byltyr meniń Jarlyǵymmen Azamattyq qoǵamdy damytý tujyrymdamasy bekitildi. Bul qujat bilik organdary men qoǵamdyq uiymdardyń seriktestigin kúsheitýdi kózdeidi. Oǵan qosa turǵyndardyń eldik isterge erkin aralasýyna múmkindik beredi.
Shyn máninde, «Halyq únine qulaq asatyn memleket» pen ádiletti qoǵam qurý jolynda ózara yntymaqtastyq mańyzdy ról atqarady. Egemendik jyldary Qazaqstanda úkimettik emes sektordyń qyzmeti aitarlyqtai jandandy. Qazir 2500 uiym memlekettik áleýmettik tapsyrys pen granttyq qoldaýǵa ie bolyp otyr. Olar jyl saiyn eki myńnan astam áleýmettik jobany júzege asyrady.
Úkimettik emes uiymdar san túrli salany órkendetýge atsalysyp keledi. Indet kezinde qoǵam ókilderi, volonterler men metsenattar otanshyldyq pen elge qamqorlyqtyń naǵyz úlgisin kórsetti. Biz osyndai igilikti isterdi jalǵastyra berýimiz kerek.
Búgingi basqosý azamattyq belsendilikti odan ári arttyryp, syndarly qoǵamdyq dialogty nyǵaita túsedi dep senemin.
Forýmnyń jumysy tabysty bolsyn!"
