Almaty qalalyq Bilim basqarmasynyń basshysy Lázzat Jylqybaeva kezekshi synyptardyń oqýshylary qalai oqitynyń aityp berdi, dep habarlaidy "Ult aqparat".
«Kezekshi synyptardyń qyzmeti sanitarlyq epidemiologiialyq talaptardy qatań saqtai otyryp júzege asyrylady. Sozylmaly aýrýlary joq balalar kezekshi synypta oqýǵa jiberiledi.Balalardyń ata-analary nemese zańdy ókilderi balalarǵa sanitarlyq qaýipsizdik quraldarymen qamtidy: maskalar, qoldy tazalaýǵa arnalǵan antiseptik nemese bakteriiaǵa qarsy sýly mailyqtar», – deidi Lázzat Jylqybaeva.
Sonymen qatar, balalardyń ata-analary nemese zańdy ókilderi balalaryna áleýmettik araqashyqtyqty saqtaý týraly túsindiredi. Olar balalardy mektepke alyp kelip, sabaq aiaqtalǵannan keiin alyp ketedi.
«Mektep dezinfektsiialaýshy quraldarmen qamtamasyz etilgen. Kire beriste dezinfektsiialyq tósenish, teplovizorlar, tazartqyshtar, dymqyl, dezinfektsiialyq tazalaýǵa arnalǵan quraldar bolady», – dedi ol.
Sonymen qatar mektepte mynandai sanitarlyq erejelerdi saqtaý qajet:
- áleýmettik qashyqtyqty saqtaý úshin aýysymdy ulǵaitý;
- áleýmettik qashyqtyqty qamtamasyz etý úshin mektep aýmaǵyn maksimaldy paidalaný;
- kabinettik júieni paidalanbaý;
- sabaq arasyndaǵy úzilisti ár synypqa ár túrli ýaqytta uiymdastyrý;
- kireberistegi oqýshylardyń kúndelikti temperatýrasyn ólsheý;
- aýysym saiyn, dálizderdegi, demalys bólmelerindegi, zaldardaǵy jáne basqa úi-jailardaǵy, aýysym arasyndaǵy ylǵaldy tazalaý, esik tutqalaryn, ustaǵyshtardy, qorshaýlardy, baspaldaqtardy, terezeni dezinfektsiialaý;
- meditsinalyq kabinetter men izoliatorlardyń jumys isteýin qamtamasyz etý;
- edendegi dálizderde oqýshylardyń bir baǵytta qozǵalýyna arnalǵan belgiler qoiý, balalardy qabyldaýǵa bir kireberis, balalardy sabaqtan keiin shyǵýǵa bólek esiktiń bolýy.
Kezekshi synyptardyń jumys isteýi boiynsha usynystar:
1) synyp mólsheri - 15 baladan kóp emes;
2) sabaqtyń uzaqtyǵy 40 minýt;
3) ár synypta ár túrli ýaqyttaǵy úzilister;
4) maska kiiý rejimin qamtamasyz etý;
5) oqý ústelderin 1 metr qashyqtyqta ornalastyrý;
6) bilim alýshyǵa jeke parta men oryndyq taǵaiyndalady;
7) oqýshy jeke oqý materialdaryn (oqýlyqtar, dápterler, keńse taýarlary jáne t.b.) paidalanady;
8) ár sabaqtan keiin kabinetterdi jeldetý, kvartstaý;
9) ár sabaqtan keiin qoldy jýý jáne arnaiy quraldardy qoldaný;
«Sonymen qatar, arnaiy túzetý mektep-internattarynyń bastaýysh synyp oqýshylaryn oqytý dástúrli túrde uiymdastyrylatyn bolady. Synyptardyń ortasha sany 10-12 adamdy quraidy. Biylǵy jyly bastaýysh synyptardaǵy balalar sany 1034 oqýshy 90 synyp bar»,– Lázzat Jylqybaeva.
«Sulýsai» yqshamaýdanynda ornalasqan №197 mektepte oqytý dástúrli túrde iske asyrylady.
