Almatyda 20 sáýirden bastap keibir kásiporyndardyń ashylýyna tyiym salynǵan. Qalanyń bas sanitar dárigeri Jandarbek Bekshin onlain brifing barysynda onyń birneshe sebebin atady, dep habarlaidy "Ult aqparat".
Arnaiy komissiia Almatyda 41 qurylys alańyn tekserip shyqqan.
«Onyń ishinde tek 11 kompaniia ruqsat aldy. Jalpy alǵanda sanitarlyq-epidemiologiialyq qyzmettiń ruqsatyn tek 15 óndiristik kásiporyn men 26 qurylys alańy alǵan», - dedi ol.
Tekserý kezinde kópshiliginde jeke gigiena talaptary saqtalmaǵany anyqtaldy.
«Qol jýǵyshtar, sanitaizerler bolmaǵan. Jumyskerler maska taqpaǵan. Olardyń bólek-bólek tamaqtanýy qamtamasyz etilmegen. Óndiris ornyn, qurylys alańyn zararsyzdandyrý boiynsha kelisimshart bolmaǵan. Sol sebepti kópshiligine ruqsat berilmedi», - dedi Bekshin.
Onyń aitýynsha, 27 sáýirden bastap taǵy biraz kásiporyndar jumysqa kirisedi.
«Qazir daiyndyq júrip jatyr. Tolyq tekserýden soń ashylady», - dedi J.Bekshin.
