الماتىدا 20 سەۋٸردەن باستاپ كەيبٸر كەسٸپورىنداردىڭ اشىلۋىنا تىيىم سالىنعان. قالانىڭ باس سانيتار دەرٸگەرٸ جانداربەك بەكشين ونلاين بريفينگ بارىسىندا ونىڭ بٸرنەشە سەبەبٸن اتادى, دەپ حابارلايدى "ۇلت اقپارات".
ارنايى كوميسسييا الماتىدا 41 قۇرىلىس الاڭىن تەكسەرٸپ شىققان.
«ونىڭ ٸشٸندە تەك 11 كومپانييا رۇقسات الدى. جالپى العاندا سانيتارلىق-ەپيدەميولوگييالىق قىزمەتتٸڭ رۇقساتىن تەك 15 ٶندٸرٸستٸك كەسٸپورىن مەن 26 قۇرىلىس الاڭى العان», - دەدٸ ول.
تەكسەرۋ كەزٸندە كٶپشٸلٸگٸندە جەكە گيگيەنا تالاپتارى ساقتالماعانى انىقتالدى.
«قول جۋعىشتار, سانيتايزەرلەر بولماعان. جۇمىسكەرلەر ماسكا تاقپاعان. ولاردىڭ بٶلەك-بٶلەك تاماقتانۋى قامتاماسىز ەتٸلمەگەن. ٶندٸرٸس ورنىن, قۇرىلىس الاڭىن زارارسىزداندىرۋ بويىنشا كەلٸسٸمشارت بولماعان. سول سەبەپتٸ كٶپشٸلٸگٸنە رۇقسات بەرٸلمەدٸ», - دەدٸ بەكشين.
ونىڭ ايتۋىنشا, 27 سەۋٸردەن باستاپ تاعى بٸراز كەسٸپورىندار جۇمىسقا كٸرٸسەدٸ.
«قازٸر دايىندىق جٷرٸپ جاتىر. تولىق تەكسەرۋدەن سوڭ اشىلادى», - دەدٸ ج.بەكشين.
