Almatyda kantseliarlyq taýarlar saqtalǵan qoima órtendi, dep habarlaidy qalalyq TJD baspasóz qyzmeti.
Almaty qalalyq TJD 101 pýltine «Samǵaý» (Qurylysshy) yqshamaýdanyndaǵy Kókorai kóshesiniń boiyndaǵy órt týraly habarlama tańǵy saǵata 05.06-da tústi. Oqiǵa ornyna kelgen órt sóndirýshiler eki qabatty qoimanyń shatyrynyń janyp jatqanyn anyqtady. Qoimanyń jalpy aýmaǵy 400 sharshy metr.
«Órt qoimanyń batys bóligin qiratqan jáne qosymsha sýmen jabdyqtaý quraldarynyń bolmaǵandyǵynan órshi túsken. Órt sóndirýshiler jeke turǵyn úi sektorynyń aýmaǵynda jaqyn ornalasqan jem saqtaý qoimasyna órttiń taralýyn boldyrmaý úshin sharalar qoldandy. Saǵat 06:28-de órt aýyzdyqtalyp, 07:09-de tolyqtai óshirildi. Barlyǵy 50 adam jáne 12 tehnika jumyldyryldy», -delingen TJD habarlamasynda
Óz kezeginde, qalalyq politsiia bóliminiń qyzmetkerleri tártip pen quqyqtyq tártipti qamatamasyz etti. Sonymen qatar, órt sóndirýshi tehnikalardyń qoima aýmaǵynan kedergisiz kirýine jaǵdai jasady.
Oqys oqiǵadana eshkim zardap shekpedi.
