Almatyda júk kóligi kenet aýdarylyp ketti. Oqiǵa bolǵan sát videotirkegishke túsip qalǵan, - dep habarlaidy Tengrinews.kz tilshisi.
Jol apaty 26 qańtarda tústen keiin Ál-Farabi dańǵylynda boldy. Aýyr júk kóligi shyǵys baǵytta qozǵalyp bara jatqan. "Qazaqfilm" kinostýdiiasy mańynda júk kóliginiń dóńgelekteri shyǵyp ketip, sodan keiin kólik aýdarylyp ketken. Munyń bári basqa júrgizýshilerdiń kóz aldynda bolǵan.
Keiin áleýmettik jelilerde apattan keiingi kadrlar paida boldy. Kadrlardan júk kóligi basqa kólikter men jaiaý júrginshilerge soqtyǵyspaǵany kórinedi.
Politsiia málimetinshe, jol apaty shamamen 13.00-de bolǵan.
"Júk kóliginiń júrgizýshisi kólikti basqara almai, oń jaǵyna qarai qulady. Oqiǵa saldarynan júrgizýshi zardap shekti, ony dárigerler sol jerde qarady. Bul jaitty Bostandyq aýdanynyń politseileri tekseredi", - dedi Almaty Politsiia departamentiniń baspasóz qyzmeti ókili.
