الماتىدا جٷك كٶلٸگٸ كەنەت اۋدارىلىپ كەتتٸ. وقيعا بولعان سەت ۆيدەوتٸركەگٸشكە تٷسٸپ قالعان, - دەپ حابارلايدى Tengrinews.kz تٸلشٸسٸ.
جول اپاتى 26 قاڭتاردا تٷستەن كەيٸن ەل-فارابي داڭعىلىندا بولدى. اۋىر جٷك كٶلٸگٸ شىعىس باعىتتا قوزعالىپ بارا جاتقان. "قازاقفيلم" كينوستۋديياسى ماڭىندا جٷك كٶلٸگٸنٸڭ دٶڭگەلەكتەرٸ شىعىپ كەتٸپ, سودان كەيٸن كٶلٸك اۋدارىلىپ كەتكەن. مۇنىڭ بەرٸ باسقا جٷرگٸزۋشٸلەردٸڭ كٶز الدىندا بولعان.
كەيٸن ەلەۋمەتتٸك جەلٸلەردە اپاتتان كەيٸنگٸ كادرلار پايدا بولدى. كادرلاردان جٷك كٶلٸگٸ باسقا كٶلٸكتەر مەن جاياۋ جٷرگٸنشٸلەرگە سوقتىعىسپاعانى كٶرٸنەدٸ.
پوليتسييا مەلٸمەتٸنشە, جول اپاتى شامامەن 13.00-دە بولعان.
"جٷك كٶلٸگٸنٸڭ جٷرگٸزۋشٸسٸ كٶلٸكتٸ باسقارا الماي, وڭ جاعىنا قاراي قۇلادى. وقيعا سالدارىنان جٷرگٸزۋشٸ زارداپ شەكتٸ, ونى دەرٸگەرلەر سول جەردە قارادى. بۇل جايتتى بوستاندىق اۋدانىنىڭ پوليتسەيلەرٸ تەكسەرەدٸ", - دەدٸ الماتى پوليتسييا دەپارتامەنتٸنٸڭ باسپاسٶز قىزمەتٸ ٶكٸلٸ.
