UQK IIM-men birlesip Almaty qalasynda jáne Almaty oblysynda burynǵy sportshylar men buryn sottalǵan adamdardan turatyn «Qazaqstandyqtar» UQT-nyń quqyqqa qaishy áreketiniń jolyn kesý boiynsha iri aýqymdy arnaiy operatsiia júrgizdi, - dep habarlaidy "Ult aqparat" vedomstvonyń baspasóz qyzmetine silteme jasap.
"Toptyń 6 múshesiniń Almaty óńiri aýmaǵynda tirkelgen qylmystarǵa (qorqytyp alý, qaraqshylyq, ozbyrlyq, buzaqylyq, kásipkerlerge kriminaldyq qamqorlyq, mal urlyǵy) qatysy bar.
Kúdiktilerdi ustaý jáne turǵylyqty jerin tintý barysynda 4 atys qarýy, 177 oq-dári, 7 granata, arnaiy quraldar, sondai-aq qańtarda tonaýǵa qatysqandaryn rastaityn zattar (radiostantsiialar, PR dýbinkalary, brondy keýdeshe) tárkilendi", - delingen habarlamada.
Ustalǵandar QAJD 8-TI jáne Almaty boiynsha UQK departamentiniń tergeý izoliatorlaryna qamalǵan. QR QK-nyń 287-baby 3 jáne 4-bólikteri ("Atys qarýyn, oq-dárilerdi, jarylǵysh zattardy nemese jarylys qurylǵylaryn zańsyz iemdený, berý, ótkizý, saqtaý, tasymaldaý nemese alyp júrý") boiynsha qylmystyq ister qozǵalǵan.
"Tergeý-jedel is-sharalary kesheniniń nátijesinde top músheleri UQT múshelerine tiesili qarýy bar «kómbelerdi» kórsetýge oiysty.
Almaty oblysy Eńbekshiqazaq aýdanynda eki "kómbe" anyqtalyp, olardan 44 atys qarýy jáne 3 sýyq qarý, sondai-aq 20 birlik oq-dári alyndy.
Alynǵan qarý-jaraqty, sondai-aq olardy qańtar oqiǵalarynda qoldanýdy sáikestendirý boiynsha is-sharalar júrgizilip jatyr", - delingen UQK habarlmasynda.
Jedel-tergeý is-sharalary jalǵasyp jatyr.
