Qazaqstandyq ánshi ári aktrisa Saltanat Qudaibergenovaǵa taksi júrgizýshisi shabýyl jasady. Bul týraly áleýmettik jelilerde belgili boldy. Politsiia departamenti jaǵdaiǵa túsinik berdi, - dep habarlaidy Tengrinews.kz.
Telegram-arnalardyń birinde taksi júrgizýshisi men ánshi arasyndaǵy janjal Naýryzbai batyr men Shevchenko kósheleriniń qiylysynda bolǵany habarlanǵan.
"Almaty qalasynda "Indraiver" taksi júrgizýshisi qazaqstandyq tanymal aktrisa ári ánshini uryp-soǵyp, qashyp ketti", - delingen video sipattamasynda.
Almaty politsiiasy oqiǵany rastady.
"Jábirlenýshi alǵan jaraqattardyń aýyrlyq dárejesin anyqtaý maqsatynda sot-meditsinalyq saraptama taǵaiyndaldy. Sodan keiin zańnamaǵa sáikes sharalar qabyldanady.
Aldyn ala málimetter boiynsha, jábirlenýshi men taksi júrgizýshisi arasynda janjal shyqqan. Taksi júrgizýshisi anyqtaldy. Onyń áreketine quqyqtyq baǵa beriledi", - dedi Almaly aýdandyq politsiia basqarmasynyń basshysy polkovnik Esen Ysqaqov.
Saltanat Qudaibergenova ánshi jáne aktrisa retinde tanymal. Ol "Kenje", "Bikeshter" serialdaryna túsken, "Tomiris" filminde roli bar. "Arys jaǵasynda", "Sálem", "Keń jailaý" jáne basqa da ánderdiń oryndaýshysy.
